“ФОРПОСТ” отрядлары Спартакиадасы

2023 елның 22 мае, дүшәмбе

Теләче стадионында Олы Мишә урта мәктәбен тәмамлаган ефрейтор Кириллов Олег Анатольевич истәлегенә багышланган Спартакиада үткәрелде. “ФОРПОСТ” отрядлары һәм 5-10 сыйныф укучылары арасында үткәрелгән әлеге ярышта безнең укучылар  да актив катнаштылар. Алар турникта тартылу, пневматик мылтыктан ату, йөгерү, граната ату, туп этәрү, куллар белән җирдән этенү, вакытка АКМ – 74 автоматын сүтеп җыю, противогаз кию кебек ярышларда көч сынаштылар.