Роберт Миңнуллинның тууына 75 ел тулды.

2023 елның 2 августы, чәршәмбе

1 август көнне татар һәм рус әдәбиятчысы, журналист, публицист, җәмәгать эшлеклесе Роберт Миңнуллинның тууына 75 ел тулды. Татарстанда гына түгел, Россиядән читтә дә күптән билгеле булган шәхес Роберт Миңнуллинның исеме аерым таныштыруга мохтаҗ түгел. Шагыйрьнең әдәби эшчәнлеге югары исемнәр һәм бүләкләр белән билгеләп үтелде. Ул бик күп китаплар авторы, шуларның күбесе балалар өчен.

Китапханәче укучыларны шагыйрьнең биографиясе, иҗаты һәм тормыш юлы буенча бик күп кызыклы фактлар белән таныштырды. «Роберт Миңнуллинның балачак дөньясы» викторинасы шагыйрьнең иҗатына мәхәббәт тәрбияләп кенә калмыйча, балаларда аның шигырьләрен кычкырып укуга кызыксыну уятты.