Теләчедә бәйрәм ярминкәсе булачак

2024 елның 29 октябрендә «Батыр» спорткомплексында 1-2 класс,3-4 класс, 5-6 класс, 7-8 класс, 9-11 класс укучылары арасында бадминтон буенча Теләче районы Беренчелеге булып узды. Беренчелектә районның 7 мәктәбеннән 89 яшь бадминтончы көч сынашты.

Әлеге тарихи дата уңаеннан Теләче җирлекара китапханәсе хезмәткәрләре Орымширмә башлангыч мәктәбе укучыларына мәгълүмати күргәзмә оештырдылар һәм хәтер сәгате уздырдылар. Чараның  барышында сәяси репрессия еллары, халык кичергән катлаулы язмышлар хакында сөйләштеләр, хәтер китабына күзәтү ясадылар.   Ахырдан укучылар каникул көннәрен кызыклы, мавыктыргыч итеп үткәрү максатыннан, өйләрендә уку өчен китаплар сайлап алдылар.

29 нчы октябрь көнне Олы Мишә мәдәният йортында китапханә, Түбән Сәвруш һәм Караширмә авыл клублары белән берлектә татар халык уеннары «Как играли в старину» программасы үткәрелде. Анда катнашучылар татар халкының кайбер традицияләре, «кәләпүш», «Наза», «Гөлбану»​, «Капка» кебек традицион халык уеннары турында белделәр һәм, әлбәттә, бергәләп уйнадылар.. Чара бик күңелле, дәртле, ә иң мөһиме – бердәм узды, чөнки татар уеннары югары эмоциональлек, ярышучан һәм коллектив характерлы хәрәкәтләр белән аерылып тора.