Кызыклы китап белән очрашу - ул һәрвакыт шатлык, ә яңа китап белән очрашу – икеләтә шатлык.

Хөрмәтле Президентыбыз билгеләп узганча, илнең көче – анда яшәүчеләрнең бердәмлегеннән һәм теләктәшлегеннән тора. Тормыш-яшәешнең төрле вәзгыятьләре алдында уртак көч булып туплана алу, авыр чакта ярдәм кулы сузу, җәмгыятьтәге вакыйгаларга битарафлык күрсәтмәү, төрле дин һәм милләт халкына, аларның гореф-гадәтләренә хөрмәт белән карау – шул көчнең нигезе. "Россиянең уңышлы үсешенең иң ныклы, ышанычлы нигезе – җәмгыятебезнең бердәмлеге, төрле милләт кешеләре арасында тынычлык, ышаныч һәм үзара хөрмәт кыйммәтләренә тугрылык. Шушы көн уңаеннан Күкчә авылы китапханәсендә китапханәче һәм клуб мөдире «Без – көчле, бердәм халык» дип исемләнгән, бердәмлек темасына балалар өчен рәсем ясауны оештырдылар.

Татарстанның төп законы, барыннан да элек, хезмәт кешеләренең мәнфәгатьләрен яклауга, лаеклы тормышын тәэмин итәргә, милләтара бердәмлек, гражданлык татулыгын һәм диннәр арасындагы дуслыкны саклауга юнәлдерелгән. Дәүләт телләре һәм мәдәниятебезнең тергезелүендә Конституциянең роле бәяләп бетергесез. Шушы уңайдан Күкчә авылы китапханәсендә китапханәче һәм клуб мөдире «Татарстан Конституциясе – халкым горурлыгы» дип исемләнгән балаларга әңгәмә үткәрделәр. Алар Конституция республиканың тарихында гаять зур роль уйнавын, сәяси корылыш нигезләрен законнар белән ныгытып, гражданнар хокукларының ныклы гарантияләрен һәм татарстанлылар өчен ышанычлы ориентир  булуын сөйләделәр.

Шәтке авылы мәдәният хезмәткәрләре «Минем гаилә-минем байлыгым» район фестиваленең зона турын үткәрделәр. Конкурс Теләче районы авыл җирлекләренең мәдәният учреждениеләре арасында үткәрелә. Фестивальдә түбәндәге номинацияләр буенча иҗади гаиләләр катнашты: «Күп балалы гаилә»; «Фермер гаиләсе»; «Гаилә – традицияләрне саклаучы»; «Минем шәҗәрә»; «Минем гаилә елъязмасы»; «Гаилә иҗаты остаханәсе»; «Иң күп китап укучы гаилә»; «Милли ризык». Фойеда иҗади гаиләләр күргәзмәсе эшләде.

3 ноябрь көнне Айдар авыл китапханәсендә "Пушкин картасы"н кулланучылар өчен «Чәчәкле алан» дип исемләнгән келәм ясау буенча мастер-класс узды. Төрле җепләрдән үз кулларың белән келәм ясау — татар халкының үзенчәлекле иҗатын саклау ул.