"Минем гаиләм - минем байлыгым!"

2024 елның 12 ноябре, сишәмбе

Теләче муниципаль районы башкарма комитеты тарафыннан 2024 ел - Гаилә елына багышланган "Минем гаиләм - минем байлыгым!" дип исемләнгән район фестивале башланып китте. 9 ноябрь көнне әлеге фестиваль Баландыш авыл җирлегендә узды. Баландыш авылы мәдәният йортында Урта Мишә һәм Баландыш авыллары үзешчәннәре жюри алдында иҗади отчётын тәкъдим итте. Чараның төп максаты - сәнгатьнең төрле төрләрендә уртак гаилә иҗаты традицияләрен торгызу, заманча гаиләнең дәрәҗәсен күтәрү аша гаиләләрнең социаль һәм иҗади активлыгын булдыру.