Салкын кышларга кереп барганда, без иң җылы һәм якты бәйрәмнәрнең берсен - Әниләр көнен билгеләп үтәбез.

2024 елның 2 декабре, дүшәмбе

Безгә тормыш бүләк иткән, бөтен йөрәк җылысын биргән, безнең өчен тынгысыз көннәр, йокысыз төннәр кичергән газизләребезгә нинди генә теләкләр теләсәк тә аз булыр сыман. Тормышыбыз бизәге булган әниләребез матур да, батыр да, мәрхәмәтле дә...   Әниләр көнен Олы Мәтәскә авылы мәдәният хезмәткәрләре дә 30 ноябрь көнне  “Иң кадерлем- әнием”дигән исем  астында үткәрделәр.  Бәйрәм белән котлаулар, җыр-биюләр, шигырьләр белән үрелеп барган әдәби – музыкаль кичә күңелле үтте. Барлык чыгышлар да көчле алкышларга күмелде. Тамашачылар бәйрәмнән күтәренке кәеф белән таралыштылар.