5 декабрьдә Россиядә Ирекле ярдәмче яки волонтер көне билгеләп үтелә.

2024 елның 6 декабре, җомга

Җәмгыятькә вакытын һәм көчен кызганмыйча, бушлай ярдәм иткән һәркем бу көнне үзенең бәйрәме дип саный ала. Айдар авыл китапханәсендә "Ихлас күңелдән яхшылык кыл!» дип исемләнгән күргәзмә-чакыру оештырылды, мәрхәмәтлелек һәм шәфкатьлелек турында китаплар тәкъдим ителде. Аралашу барышында сүз игелек һәм үзара ярдәмләшү, волонтерлык хәрәкәте тарихы турында барды. Иҗтимагый тормышның кирәк булган теләсә кайсы өлкәсендә һәркем волонтер була ала. Волонтерның максаты мохтаҗларга ярдәм күрсәтүдән гыйбарәт. Волонтер булу-кайчак бик катлаулы, әмма һәрвакыт игелекле һәм үзеңә яхшылык булып кайтучы хезмәт ул.