Тәмәке тартуның кеше сәламәтлегенә зыян китерүе турында бөтен кеше ишетте.

2025 елның 17 гыйнвары, җомга

Бу хакта еш кына медицина хезмәткәрләре, ата-аналар, укытучылар сөйли. Тәмәке тартучы кеше әйләнә-тирәсендәге кешеләргә дә зыян китерә. Алар да төтенле һаваны суларга мәҗбүр. Ә тәмәке төтенендә бик күп агулы кушылмалар бар. Китапханәдә укучылар игътибарына тәмәке барлыкка килү тарихы, тәмәке тартуның кеше организмына тискәре йогынтысы һәм тәмәке тартучы кешеләрнең үзләрен генә түгел, әйләнә –тирәдәгеләрне дә нинди куркыныч астына куюы турында «Тәмәке тарту-сәламәтлеккә зыян салу» күргәзмәсе тәкъдим ителде. Күргәзмәдә китаплар тәмәке тартуга тискәре мөнәсәбәт булдыруга, тәмәкедән баш тарту күнекмәләрен формалаштыруга, сәламәт яшәү рәвешенең өстенлеге турындагы күзаллауларны үстерүгә юнәлдерелгән.