Абде авыл китапханәсендә 22 гыйнвар көнне «Холокост: хәтер вакытсыз " хәтер сәгате узды.
Чара нацизм корбаннары һәм каршылык геройлары, Холокост корбаннары истәлегенә багышланган иде. 27 гыйнварда Кызыл Армия солдатларының Освенцим концлагеры тоткыннарын азат итүенә 80 ел тула. 2006 елдан, БМО Генераль Ассамблеясе карары белән, бу көн Халыкара Холокост корбаннарын искә алу көне дип игълан ителде. Бу егерменче гасырның иң танылган фаҗигаләреннән берсе – ир-атларны, хатын-кызларны һәм балаларны да кертеп, бөтен милләтләрне тулысынча кырып бетерергә омтылу. Без катнашучыларга холокост сүзенең нәрсә аңлатканын сөйләдек. Чара барышында катнашучыларга слайд-презентация күрсәтелде, ул әлеге фаҗиганең барлык куркынычларын күреп аңларга ярдәм итте. Алар Холокостның беренче документларының берсе – дөньяның 50 теленә тәрҗемә ителгән яһүд кызы Анна Франкның көндәлеге турында белделәр. Чарада катнашучылар бу коточкыч фаҗигагә үз мөнәсәбәтләрен белдерделәр: илебез тарихында булган кайгылы вакыйгаларны онытмаска өндәүче сүзләр әйттеләр! Хәтер сәгате бер минут тынлык белән тәмамланды.