“Ватан сугышы – әдәбият көзгесендә”
Илебезнең барлык халыклары белән бергә авыр көрәштә татар язучылары да катнаштылар; язучы, шагыйрь, журналист буларак фронт газеталарында хезмәт иттеләр; кулларына корал алып, алгы сызыкларда сугыштылар; ялкынлы сүз белән җиңүгә ярдәм иттеләр. Әдәбият Җиңүгә ышанычны ныгытуга зур иҗат ялкыны белән хезмәт итте. Сугыш чоры шартларының чиксез авырлыкларына карамастан, ут эчендә, дошман пулялары астында татар поэзиясе яңа баскычка күтәрелде. Бу, барыннан да элек, патриотизм тойгысының чиксез тирәнәюендә күренде. Балаларда батырлык тәрбияләү максатыннан Күкчә авылы клубында китапханә белән берлектә “Ватан сугышы – әдәбият көзгесендә” дип исемләнгән сугыш чорын тасфирлап язган язучыларның әсәрләре белән танышу булып узды.Чарада балаларга мәдәният хезмәткәрләре шушы чорда язылган шигырьләрне, хикәяләрне кычкырып укыдылар.