“Туган тел белән дус бул”
25 гыйнвар көнне Теләче балалар китапханәсе хезмәткәрләре 3 сыйныф укучылары өчен (кл.җит.: Алимова Л.Ф., Нуретдинова Г.К., Мөхәмәтгалиева З.Т.) “Туган тел белән дус бул” дигән интерактив уен үткәрделәр. Иң элек китапханә мөдире Закирова Л.М. сөйләм телендә тупас сүзләр булдырмау, яшь буынның дөрес әдәби телдә сөйләвенә ирешү мәсьәләләренә тукталып үтте. Уенда балалар матур һәм дөрес итеп сөйли алу, укый-яза белү турында фразеологик әйтелмәләрне белү, мәкальнең дәвамын әйтү, шигырьнең авторын һәм өзектән әкият күренешен тану кебек бәйгеләрдә көч сынаштылар, татар халык әкиятләре буенча эшләнгән мультфильмнар карадылар. Бүгенге бәйгедә китапханәче биргән барлык биремнәр дә бик җиңел чишелде. Уенда катнашучыларга истәлеккә беләзекләр тапшырылды. Уздырылган чарабыз телебезне саклау һәм үстерү максатыннан эшләнде.