Район башлыгы белән очрашу
2025 елның 27 гыйнварында Баландыш төп мәктәбенең 8-9 сыйныф укучылары өчен «Укучыларның һөнәри үзбилгеләнүе» дигән темага очрашу уздырылды. Очрашуның максаты: укучыларга уку профилен һәм киләчәктә һөнәри эшчәнлек өлкәсен сайлау юнәлешендә ярдәм күрсәтү. Очрашуны Татарстан Республикасы Теләче муниципаль районы башлыгы Фатхуллин Айрат Гыйльван улы оештырды, очрашуда шулай ук Теләче муниципаль районы башкарма комитеты җитәкчесе Хамидуллин Илнур Хаҗинур улы, ТМР башлыгы киңәшчесе Мараков Илдар Рамил улы, ТМР Башкарма комитетының территориаль үсеш бүлеге җитәкчесе урынбасары Нигъмәтҗанов Рөстәм Васил улы һ.б. катнашты. Мәктәп директоры Хузин Ю.Р. кунакларны һәм укучыларны мәктәптә һөнәри юнәлеш бирү системасы белән таныштырды, укучыларның 2004-2025 еллардагы үсеш динамикасын һәм перспективасын анализлады, чыгарылыш сыйныф укучыларының нинди һөнәрләрне ешрак сайлаулары турында мәгълүмат бирде. Татарстан Республикасы Теләче муниципаль районы башлыгы Фатхуллин А.Г. укучыларны район казанышлары, киләчәк буын өчен перспективалар һәм мөмкинлекләр турында таныштырды. Туган җиргә карата патриотик хисләр, һөнәр сайлауның мөһимлеге турында сөйләде. Баланың һөнәрне дөрес сайлавы аның киләчәк язмышына тәэсир итә, шуңа күрә ул үзе өчен генә түгел, җәмгыятькә һәм район өчен кирәкле, шулай ук хезмәт базары ихтыяҗларына туры килә торган һөнәрне сайларга тиеш дигән фикер әйтте. Очрашуда шулай ук «Низамов» КФХ җитәкчесе Низамов М.Х.чыгыш ясады, өлкән сыйныф укучыларына эшлекле киңәшләр бирде һәм укуларын тәмамлаганнан соң үз районыбызга эшкә кайтырга чакырды.