2025 елның 15 февралендә совет гаскәрләрен Әфганстаннан чыгаруга 36 ел тулды.
Әлеге вакыйгалардан 36 ел узса да, ул еллар сугыш хәрәкәтләрендә катнашучыларның хәтерендә бүген генә булган кебек. Бу көнне ил җир шарының төрле районнарында «кайнар нокталар» узган Әфган сугышчыларына һәм башка сугыш хәрәкәтләре ветераннарына хөрмәт күрсәтә. 15 февральдә ватанпәрвәрлек хисе, Ватанга мәхәббәт, илнең үткәненә хөрмәт тәрбияләү максатыннан Айдар авыл китапханәсендә истәлекле датага багышлап «Әфганстан...Йөрәкләрдә тирән яра» дип исемләнгән китап күргәзмәсе әзерләнде. Күргәзмәдә солдатларыбызның сугышчан батырлыклары турында китаплар, альбомнар, газета язмалары урын алды. «Әфган юллары буйлап» исемле хәтер сәгате үткәрелеп, Әфган сугышында катнашкан, гомерләрен куркыныч астына куеп ут астында йөргән якташларыбыз - Х.Сөнгатуллин һәм Х.Давлиев турында истәлекләр тәкъдим ителде, “Әфган кайтавазы мәңгелек” альбомына күзәтү ясалды. Бу сугыш безнең хәтердә мәңгегә калачак, бу сугыш фаҗигале һәм Совет солдатының батырлыгы турында искә төшереп, шигырь һәм хәрби җырларда яшәячәк! Сугышчыларыбызның батырлыгы һәм каһарманлыгы мәңгелек һәм һәрвакыт тирән хөрмәткә лаек!