Һәр халыкның үз геройлары бар, алар хәтердә яшиләр һәм һәркемгә үрнәк булып торалар.

2025 елның 19 феврале, чәршәмбе

Шундый геройларның берсе - татар шагыйре, Советлар Союзы Герое, Ленин премиясе лауреаты, фашист лагерьлары тоткыны, Ватаныбыз азатлыгы һәм бәйсезлеге өчен гомерен биргән «Моабит дәфтәре» авторы Муса Җәлил.

15 февраль көнне Айдар авыл китапханәсендә Муса Җәлилнең тууына 119 ел тулу уңаеннан, Пушкин картасы программасы кысаларында «Муса Җәлил-батырлык һәм намус символы" дип исемләнгән квест-уен уздырылды. Чара барышында китапханәче герой–шагыйрь Муса Җәлилнең тормышы һәм иҗаты, сугыш чоры иҗаты, «Моабит дәфтәрләре» турында төп мәгълүматлар белән таныштырды. Чарада катнашучылар белән патриотик рухтагы шигырьләрен укылды, ике командага бүленеп төрле биремнәр үтәлде.