Корәш буенча РСФСРның спорт остасы, Татарстан Республикасының атказанган фермеры Сәгыйт Гыйниятуллин призына район беренчелеген уздырды.
2025 нче елның 19 февралендә «Батыр» спорткомплексында «Теләче» спорт мәктәбе 2009 нчы елда туган һәм аннан да яшьрәк егетләр арасында корәш буенча РСФСРның спорт остасы, Татарстан Республикасының атказанган фермеры Сәгыйт Гыйниятуллин призына район беренчелеген уздырды. 29 нче тапкыр үткәрелүче әлеге ярышта районыбыз мәктәпләре укучылары катнашты.
Ярышларның тантаналы ачылышында мәртәбәле кунаклар да бар иде.
Алар:
- Татарстан Республикасы Дәүләт советы рәисе, «Бердәм Россия» партиясенең Татарстан төбәк бүлеге сәркатибе – Мөхәммәтшин Фәрит Хәйрулла улы
- Теләче муниципаль районы башлыгы – Фатхуллин Айрат Гыйлван улы
- Депутат Государственного совета Республики Татарстан седьмого созыва - Сыровацкий Михаил Федорович
- Әлеге ярышларның төп сәбәпчесе –милли көрәш буенча РСФСР ның спорт остасы, ТР атказанган фермеры Гыйниятуллин Сәгыйт Шәрифулла улы.
Гомумкоманда урыннары:
1 урын-Теләче урта мәктәбе
2 урын-Баландыш төп мәктәбе
3 урын-Олы Мәтәскә урта мәктәбе
Җиңүчеләргә грамоталар һәм медальләр, акчалата бүләк, җиңүче командага күчмә Кубок, шулай ук грамоталар тапшырылды.