«Муса Җәлил. Батырлык мәңге калыр...»
2025 ел РФ Президенты тарафыннан Бөек Ватан сугышында Җиңүнең 80 еллыгы һәм Ватанны саклаучылар елы дип игълан ителде, бөек татар шагыйре, Советлар Союзы Герое Муса Җәлилнең тууына 119 ел тулу уңаеннан,район үзәк китапханәсе хезмәткәрләре Теләче урта мәктәбенең 8 сыйныф укучылары өчен «Муса Җәлил. Батырлык мәңге калыр...» Китапханәче сөйләгәннәрдән балалар шагыйрьнең фронттагы кырыс көннәре, концлагерьларның фашист төрмәләрендә үткән коточкыч вакытлары, анда Муса Җәлилнең бердәнбер коралы-аның шигырьләре турында белделәр. Каты җәзалаулар да, үлем камерасы да шагыйрьнең ихтыярын сындырмаган. Ул, герой кебек, Ватанына хыянәт итмичә, җәзалап үтерелә. Муса Җәлил исеме кешелеклелек, батырлык символына әверелде. Ул кайнап торган эшчәнлек белән тулы кыска, ләкин якты гомер кичерде. Балалар башкаруында герой шагыйрьнең шигырьләре яңгырады.
Шулай ук балаларга китап күргәзмәсенә күзәтү ясалды, анда шигырьләр җыентыклары, замандашлары истәлекләре күрсәтелде. Ахырдан укучылар бердәм рәвештә викторина сорауларына җавап бирделәр.