Бөтендөнья туган тел көне
1999 елның ноябрендә ЮНЕСКО туган телгә игътибар бирү турында мәсьәлә күтәреп чыга. Шуннан соң дөньяда, телләрнең әһәмиятен күрсәтү һәм ана теленә сак караш тәрбияләү максатыннан, 21 февраль - бөтендөнья туган тел көне буларак билгеләп үтелә башлый.
Шул уңайдан Баландыш төп мәктәбе укучылары төрле чараларда катнаштылар.
“Әй, син телем ,батыр телем, горур телем!” иртәсендә туган тел һәм әдәбияты укытучысы Минһаҗева Люция Маратовна бөтендөнья туган тел көненең әһәмияте белән таныштырды. Укучылар яраткан язучыбыз Муса Җәлил шигырьләрен яттан сөйләделәр. Шигырьләргә иллюстрацияләрдән күргәзмә оештырдылар.
Шулай ук район күләмендә эшләүче “Йөзек кашы” әдәбият-сәнгать иҗат берләшмәсе белән берлектә узган “Туган телдән көч, дәрт алып типсен синең йөрәгең!” дип исемләнгән әдәби-музыкаль кичәдә катнашып, тамаша кылдылар.