Коррупция - ул илнең барлык гражданнарына кагылышлы проблема.

2025 елның 3 марты, дүшәмбе

Ул төрле формаларда һәм төрләрдә күренә. Аның иң киң таралган формасы булып ришвәтчелек тора. Күкчә авылы китапханәсендә, авыл клубы белән берлектә, мәдәният хезмәткәрләре тарафыннан акция үткәрелде, аның кысаларында коррупциягә каршы көрәш көне тарихы турында материаллар белән мәгълүмати күргәзмә оештырылды. Укучылар арасында буклетлар таратылды, аларда коррупциянең нәрсә булуы, аның төрләре һәм нинди җәза чаралары каралган булуы турында сөйләнелде. Китапханәче буклетлар өләшү барышында акциядә катнашучылар белән профилактик әңгәмә үткәрде.