Үз хокукларыңны һәм бурычларыңны белү гражданлык һәм актив гражданлык позициясен формалаштыруга мөһим адым булып тора.
15 март көнне Айдар авылы китапханәсендә «Мин белергә хокуклы» дип исемләнгән әңгәмә үткәрелде. Чара барышында катнашучылар төп кеше хокуклары турында белделәр, кеше хокуклары һәм бала хокуклары турында Конвенция белән таныштылар. Укучыларга хокукларны һәм бурычларны белүнең мөһим булуы турында, җаваплылыкның төрләре турында аңлатылды. Китапханәче хокук бозучыларга карата җинаять җаваплылыгының ничә яшьтән һәм нинди төр җинаятьләр өчен каралган булуын сөйләде. Шулай ук, балаларга мәктәптә, урамда, җәмәгать урыннарында, массакүләм ял итү урыннарында үз-үзеңне тоту кагыйдәләрен үтәргә, балигъ булмаганнарның кичке һәм төнге вакытта урамда һәм җәмәгать урыннарында олылар озатуыннан башка йөрмәве турында киңәш бирде. Интернет челтәрендә ничек аралашырга, виртуаль дусларны рәнҗетмәскә һәм куркынычсызлык кагыйдәләрен саклауның мөһимлегенә аерым тукталынды. Чара ахырында балалар викторина сорауларына җавап бирделәр.