18 мартта безнең илдә мөһим дата – Кырымның Россиягә кушылуы көне билгеләп үтелә.
Кырымда референдум узды, кырымлыларның 96% тан артыгы Россия белән берләшү өчен тавыш бирде. Референдум нәтиҗәсендә Кырым ярымутравы рәсми рәвештә Россия Федерациясе составына керде, ә Кырым Республикасы һәм шәһәр - герой Севастополь Россия Федерациясе субъектлары статусын алды. Кырымның Россиягә кушылу көне уңаеннан, Олы Мишә урта мәктәбендә, авыл китапханәсе белән берлектә тәрбия сәгате үткәрелде. Укучылар Кырымның Россия белән яңадан кушылуы россиялеләр өчен халкыбызның какшамас бердәмлеге, Ватанга мәхәббәт һәм тарихи гаделлекне торгызу символы булуын белделәр. Чара барышында китапханәче тарафыннан мәгълүмати буклетлар таратылды. Әлеге буклетлар ярдәмендә тәрбия сәгатендә катнашучылар Россиянең һәм Кырым ярымутравының гомуми тарихы, Кырымның Россия территориясенә әверелүенә китергән төп тарихи вакыйгалар белән таныштылар.