18 мартта безнең илдә мөһим дата - Кырымның Россия белән кушылуы көне билгеләп үтелә.
Нәкъ 11 ел элек Кырымда референдум узды, аның нәтиҗәләре буенча ярымутрау Россия Федерациясе составына керде. Кырымлыларның 96% тан артыгы Россия белән кушылу өчен тавыш бирде. Референдум нәтиҗәсендә Кырым ярымутравы рәсми рәвештә Россия Федерациясе составына керде, ә Кырым Республикасы һәм шәһәр – герой Севастополь Россия Федерациясе субъектлары статусын алды. Бу истәлекле көнне Әбде авылы китапханәсендә «Кырым – ул Россия» дигән тематик сәгать үткәрелде. Әңгәмә һәм презентация карау барышында катнашучылар Кырым ярымутравы турында бик күп кызыклы һәм файдалы мәгълүмат алдылар, китапханәче мәктәп укучыларына аның тарихы, кайчандыр Кырым белән Севастопольнең Украина составына керүе турында сөйләде. Балалар безнең ил тарихы белән аерылгысыз бәйләнгән «Артек» Халыкара балалар үзәге тарихы турында белделәр. Чара «Кырым – өйгә юл» видеофильмын карау белән тәмамланды.