«Кырымның Россиягә кушылуы көне»
18 мартта безнең илдә мөһим дата – Кырымның Россия белән кушылуы көне билгеләп үтелә. Нәкъ 11 ел элек Кырымда референдум узды, аның нәтиҗәләре буенча ярымутрау Россия Федерациясе составына керде. Шул уңайдан, 18 март көнне Сауш авылы китапханәсендә «Кырымның Россиягә кушылуы көне» дип исемләнгән мәгълумәт сәгате үткәрелде. Китапханәче «Кырым Россия тарихында» дигән презентация әзерләде, биредә республика тарихындагы мөһим вакыйгалар, ярымутрауның Россия өчен әһәмияте турында җиткерелде. Чара барышында укучылар бик күп файдалы мәгълүмат алдылар. Шулай ук «Кырым» атамасының килеп чыгышы, аның ярымутрау тарихы, бай табигате һәм иң танылган истәлекле урыннары, Севастополь шәһәре, Кара диңгез флоты, 2014 елның 18 мартындагы тарихи вакыйганың әһәмияте турында сөйләнелде.