21 мартта ел саен Бөтендөнья шигърият көне билгеләп үтелә.

2025 елның 21 марты, җомга

Шул уңайдан, Теләче балалар китапханәсендә «Шигырь аша сөйләшәм...» дип исемләнгән әдәби сәгать үткәрелде. Китапханә хезмәткәрләре балаларга бәйрәмнең килеп чыгышы турында сөйләделәр, шигьриятнең кеше иҗат иткән иң бөек сәнгать әсәре икәненә төшендерделәр.

Шигърият көнен бәйрәм итү март аена туры килә, чөнки март яз башлануын, табигатьнең яңадан тууын һәм уянуын гәүдәләндерә. Шигырь язу һәркемгә дә бирелми, ә менә шигырне теләсә кем аңлый һәм ярата ала. Чарада катнашучылар танылган рус һәм татар шагыйрьләренең үзләре яраткан шигырь юлларын искә төшерделәр һәм укып күрсәттеләр. «Бөтендөнья шигърият көне» дип исемләнгән китап күргәзмәсе әзерләнде. Күргәзмәгә танылган рус һәм татар шагыйрьләренең китаплары куелды.