Мәгълүмат сәгате үткәрелде.
Бөтендөнья шигърият көне кысаларында, Җиңүнең 80 еллыгына һәм Ватанны саклаучылар елына багышлап, 21 март көнне Әбде авылы китапханәсендә мәдәният йорты директоры һәм мәктәп белән берлектә «Пароль их Родина и лозунг их Победа» дип исемләнгән мәгълүмат сәгате үткәрелде. Чара барышында балалар Бөек Ватан сугышының шигъри елъязмасын иҗат иткән фронтовик шагыйрьләрнең искиткеч әдәби әсәрләре белән таныштылар. Балалар сугыш турында А. Барто, С. Маршак, К. Симоновның һәм башка язучыларның шигырьләрен укыдылар. Шулай ук укучылар игътибарына шигъриятнең халык тормышында, Бөек Ватан сугышы елларында әһәмияте турында мәгълүмат бирелде. Шигырьләр сугышчан рухны күтәрделәр, дошманга каршы көрәшергә ярдәм иттеләр, күңелләрне җылыттылар, Бөек Ватан сугышының фаҗигале көннәрендә кешеләрнең иң яхшы хисләрен уяттылар.