Ел саен 21 мартта Бөтендөнья шигърият көне билгеләп үтелә.
Бу бәйрәм шигъри сүзнең матурлыгын һәм аның һәр кеше тормышында әһәмиятен искә төшерә. Шигърият - кеше иҗат иткән иң бөек сәнгатьләрнең берсе. Шул уңайдан, 22 март көнне Айдар авылы китапханәсендә «Пушкин картасы» проекты кысаларында «Шигъри ассорти» дип исемләнгән квизбук үткәрелде. Квиз һәр катнашучыга үз белемнәрен, сәләтләрен күрсәтергә мөмкинлек бирде. Катнашучылар «Шагыйрьне танып бел» викторинасы сорауларына җавап бирделәр, танылган «канатлы» әйтемнәрнең авторларын белделәр, бирелгән рифмага шигырь иҗат иттеләр, «Юлны тәмамла» исеме астында шигъри пазлларны җыйдылар һәм башка биремнәрдә көч сынаштылар. Йомгаклау туры булып, «Кара тартма» уены булды, катнашучылар тасвирлау буенча андагы предметны таптылар. Чара Бөтендөнья шигърият көненә багышланган китап күргәзмәсе белән танышу һәм шагыйрьләрнең матур шигырьләрен уку белән тәмамланды. Барлык катнашучылар да матур әдәбият дөньясы белән очрашудан канәгать калдылар!