24 март көнне Теләче балалар китапханәсендә «Китап – сер, китап – хәзинә, китап – балаларның иң якын дусты» дип исемләнгән әдәби уен узды.

2025 елның 25 марты, сишәмбе

Чара балалар китабы атналыгы ачылуга багышланган иде. Балалар китап хәзинәләре утравына сәяхәт иттеләр, ә аны әйләнеп узу өчен берничә тукталыш ясарга кирәк булды. «Белмәмеш»нең беренче тукталышында «Бу кем?» уены герое образын тасвирласалар, «Кечкенә китап сөючеләр» дә табышмакларга җавап бирергә һәм табылган сүзләрнең беренче хәрефләреннән яңа сүз төзергә кирәк иде. Ә «Алтын эзләүчеләр» привалында язучының фамилиясе буенча, ул язган әсәрнең исемен белергә, «Әкият белгечләре» дип аталган соңгы тукталышта «Вакыйгалар буенча әкиятне тап» викторинасы сорауларына җавап бирергә туры килде. Уен бик күңелле һәм кызыклы үтте.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International