Муниципаль районнар Теләче муниципаль районы

Рамазан ае мөселманнар тормышында иң кадерле һәм мөһим ай.

2025 елның 28 марты, җомга

Ел саен барлык
мөселманнар шушы изге, фазыйләтле айны зур шатлык белән каршы
алалар, ураза тоталар, хәер-сәдака бирәләр һәм дога кылалар. Әлеге изге ай уңаеннан Айдар авылы китапханәсендә 18-26 март көннәрендә «Рамазан ае - Аллаһ бүләге, ураза тоту - Җәннәт терәге» дип исемләнгән күргәзмә эшләде. Күргәзмәдә дини китаплар, тематик әдәбият: газета - журналлардан мәкаләләр, изге Рамазан аенда ураза тоту кагыйдәләре, ураза бәйрәменең барлыкка килү тарихы белән танышырга мөмкин иде. Шулай ук, уразаның кешегә тынычлык, сабырлык кебек сыйфатлар бирүе, үз - үзеңне тәрбияләүгә ярдәм итүе турында да мәгълүмат урын алган иде. Күргәзмә киң даирә китап укучылар өчен эшләде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2025 ел

3нче урынны яулады!

Бүген Балалар иҗат үзәгенең Олы Мишә урта мәктәбендә эшләп килүче «Нур» театр коллективы, җитәкчесе Хәмидуллина Фирүзә Зөфәр кызы, Шәүкәт Биктимеров исемендәге XIII Республика балалар театр сәнгате конкурсында катнашып, 3нче урынны яулады! Артистларыбызга алга таба да уңышлар теләп калабыз!

«Әни белән акыллы уеннар»

Теләче 3нче номерлы балалар бакчасында әниләр көне алдыннан мәктәпкә әзерлек төркеме балалары белән (тәрбиячеләре Хабирова Ф.Ф.,Минһаҗева Г.Р., Нуртдинова Р.С., Гайнутдинова Р. М), җылы атмосферасында «Әни белән акыллы уеннар» чарасы үткәрелде. Теләче урта гомуми белем бирү мәктәбе укучылары балаларыбыз өчен “Алдынгылар хәрәкәте”нең остазлары булып торалар һәм алар балаларның әниләре өчен күңелгә үтеп керә торган үз куллары белән эшләнгән бүләкләр тудырдылар һәм чарада актив катнаштылар.

Бүген, ягъни 26 ноябрь мәдәният хезмәткәрләренең чираттагы киңәшмәсе булып узды.

Киңәшмәдә, агымдагы елның 4 кварталы дәвамында узачак мәдәни чаралар, аларга әзерлек һәм киләсе 2026 елга эш планының төп темалары каралды. Моннан тыш, мәдәният бүлеге җитәкчесе Иксанов Д.С. үзенең чыгышында террорчылык куркынычын кисәтү темасын җентекләп яктыртты һәм җәмәгать тәртибен һәм иминлекне саклау өчен барлык структураларның көчләрен берләштерүнең мөһимлеген ассызыклады. Террорчылыкка каршы комиссиянең күптән түгел узган утырышында кабул ителгән төп карарлар һәм тәкъдимнәр каралды. Мәдәни чаралар вакытында хезмәткәрләрнең экстремизм билгеләре турында хәбәрдарлык дәрәҗәсен арттыру мәсьәләләренә аерым игътибар бирелде.

Татарстан Республикасы буенча Роспотребнадзор идарәсенә (алга таба – Идарәгә) онлайн заемнар рәсмиләштерү вакытында финанс оешмаларының кулланучылар буларак хокукларын бозуына бәйле гражданнардан мөрәҗәгатьләр килә.

Әлеге мөрәҗәгатьләрнең төп мәсьәләләре заем алучыларга өстәмә хезмәтләр тагу белән бәйле.

ЯҢАЛЫКЛАРГА ЯЗЫЛУ