Ел саен 21 мартта Бөтендөнья шигърият көне билгеләп үтелә.
Бу бәйрәм шигъри сүзнең матурлыгын һәм аның һәр кеше тормышындагы әһәмияте зур булуын искә төшерә. Поэзия йөрәкләрне илһамландырырга, юатырга, яктыртырга һәм берләштерергә сәләтле. Әлеге көн уңаеннан, Олы Мишә авылы китапханәсендә «Пушкин картасы» проекты кысаларында шигъри квиз үткәрелде, анда урта сыйныф укучылары катнашты. Квиз дүрт раундтан торды. Беренче раунд «Портретны бел» дип исемләнде, биредә катнашучылар шагыйрьләрне аларның портретлары буенча танырга тиеш иде. Икенче раунд «Бу юлларның авторын әйт», әлеге биремдә өзекләрнең авторын табып, тоташтырырга кирәк иде. Киләсе раунд «Шигыреңне исеңә төшер», анда сүз тәртибен үзгәртергә һәм шигырь юлларын яңартырга кирәк булды. Соңгы раунд «Поэзия музыка буларак», шагыйрьләрнең романсларын һәм шигырьләренә язылган җырларын тыңлаганнан соң, катнашучылар авторның сүзләрен ачыкларга тиеш иделәр. Барлык биремнәр дә тапкырлыкка, хәтергә багышланган иде. Уен барышында балалар үзләренең белемнәрен, зирәклекләрен күрсәттеләр һәм уңай хис-кичерешләр кичерделәр.