Һәр елның март ахырында барлык китапханәләрдә дә балалар һәм яшүсмерләр китабы атналыгы үткәрелә.

2025 елның 2 апреле, чәршәмбе

Балалар китабы атналыгы беренче тапкыр Мәскәүдә, Колонналар залында үтә. Бөек Ватан сугышы барган авыр вакытларга карамастан, өлкәннәр балалар өчен матур бәйрәм оештыра алганнар һәм бу бәйрәм традициягә кереп калган. 30 март көнне, Алан авылы китапханәсендә балалар һәм яшүсмерләр китабы атналыгы кысаларында, «Бу китаплар дуслык турында» дип исемләнгән әдәби кичә үткәрелде. Чара бәйрәмнең тарихы белән танышудан башланып китте. Балалар дуслык темасына эшләнелгән китап күргәзмәсе белән таныштылар, бергәләп шигырьләр, әкиятләр укыдылар һәм әдәби викторинада катнаштылар. Балалар китапханәгә бәйрәм өчен махсус җыр һәм бию өйрәнеп килгәннәр иде. Чара күңелле һәм файдалы узды.