2 апрельдә бөек Дания әкиятчесе Ханс – Кристиан Андерсенның тууына 220 ел тула.

2025 елның 3 апреле, пәнҗешәмбе

Дания язучысының әкиятләре күп буын укучыларга таныш һәм яратып укыла, алар дөнья әдәбиятының классикасына әверелде.                                                                                                     Әлеге әһәмиятле көн уңаеннан балалар китапханәсе хезмәткәрләре башлангыч сыйныф укучылары өчен «Андерсенның тылсымлы дөньясында» дип исемләнгән презентация тәкъдим иттеләр. Шулай ук, язучының «Дюймовочка», «Русалочка», «Дикие лебеди», «Свинопас» һәм балалалар тарафыннан яратып укыла торган башка әкиятләреннән китап күргәзмәсе әзерләнгән иде. Балалар әкиятченең тормыш юлы һәм күргәзмәдә тәкъдим ителгән китаплары белән таныштылар. Андерсенның әкиятләре китап укучыларны игелеккә, мәхәббәткә, шәфкатьлелеккә өйрәтә.