15 апрель көнне Теләче авылының 3 нче балалар бакчасында «Салават күпере» журналының баш мөхәррир урынбасары Ярмиева Гөлназ Зыятдин кызы катнашында республика семинары узды.
Гөлназ Зыятдин кызы балалар журналының тарихы, аның бүген ничек эшләве, балалар бакчалары белән хезмәттәшлеге турында сөйләде һәм журнал нигезендә лепбук ясау буенча мастер-класс үткәрде.
Соңыннан Теләче 2 нче, 3 нче балалар бакчалары тәрбиячеләре "Салават күпере" журналы нигезендә мастер-класслар үткәрделәр. Очрашу бик эчтәлекле һәм нәтиҗәле узды.