Ел саен 19 апрельдә бөтен ил буенча Бөек Ватан сугышы елларында нацистлар һәм аларның булышчылары тарафыннан совет халкын геноцидлау истәлегенә Бердәм гамәлләр көне үткәрелә.
Максат булып, Бөек Ватан сугышы елларында оккупацияләнгән территорияләрендә совет гражданнарына карата нацистлар һәм аларның булышчылары җинаятьләре турындагы тарихи дөреслекне саклау тора. Бердәм гамәлләр көне - Советлар Союзының оккупацияләнгән территорияләрендә нацистлар һәм аларның иярченнәре тарафыннан кылынган миллионлаган корбаннарны искә алу көне. Әлеге көндә без һәлак булганнар турында гына түгел, ә үзендә кешелеклелек, ышаныч һәм җиңүгә омтылыш саклаган кешеләр турында да искә төшерәбез. Бу көнгә Теләче үзәк китапханәсе укучыларына «Геноцид: тарих, хәтер, җаваплылык» дип исемләнгән мәгълүмати күргәзмә тәкъдим итә, анда Бердәм гамәлләр көне турында танышырга мөмкин. Әлеге күргәзмә безгә кеше тормышының кыйммәтләре һәм бөтен дөньяда гаделлек, гуманизм өчен көрәшү кирәклеге турында искә төшерә.