Тарих һәм җәмгыять белеме укытучыларының район семинары
«Татарстан Республикасы Теләче муниципаль районы башкарма комитетының мәгариф бүлеге» 2024-2025 уку елына планы нигезендә, 2025 елның 16 апрелендә Олы Мәтәскә урта мәктәбе базасында тарих һәм җәмгыять белеме укытучыларының «Дәрестә, дәрестән тыш вакытта сәләтле балалар белән эшләү формалары» темасына район семинары узды. Семинарда район мәктәпләреннән 10 педагог катнашты.
Семинарда катнашучылар игътибарына 7-8 сыйныф укучылары арасында «Кулланучы әлифбасы» уены тәкъдим ителде, югары категорияле тарих һәм җәмгыять белеме укытучысы Д.М. Бикчәнтәева эш тәҗрибәсе белән уртаклашты: кулланучылар хокукларын яклау буенча ситуация мәсьәләләрен чишү буенча мастер-класслар күрсәтте, укучыларның олимпиада критерийлары буенча эсселарын тикшерде, укучылары белән уңышларын тәкъдир итте. Барлык чаралардан соң педагоглар анализ ясадылар. Семинарда катнашучылар рефлексив-бәя бирү эшчәнлеген уздырдылар, коллегалар эшчәнлекне югары бәяләделәр.