«Без чисталык өчен»
2025 елның 18 нче апреленнән 27 нче апреленә кадәр Россиядә 1941-1945 еллардагы Бөек Ватан сугышында Җиңүнең 80 еллыгына һәм Ватанны саклаучылар елына багышланган «Без чисталык өчен» дип исемләнгән Бөтенроссия өмәләр атналыгы уза. Акцияне яшьләр эшләре буенча Федераль агентлык белән берлектә «Экосистема» хәрәкәте башлап җибәрә. 18 апрель көнне, Халыкара һәйкәлләрне һәм тарихи урыннарны саклау көне уңаеннан, Айдар авылы китапханәсе мәдәният йорты белән берлектә «Без чисталык өчен» дип исемләнгән Бөтенроссия өмә атналыгына кушылып һәйкәлләрне җыештыруны башлап җибәрде. Мондый чараларда катнашу ата-бабаларыбызның батырлыгына хөрмәт тәрбияләүгә, патриотик рухны ныгытуга һәм гражданнарда тарихи мирасны саклау өчен җаваплылык хисе формалаштыруга ярдәм итә һәм традицияләрнең дәвамлыгын, җәмгыятьнең бердәмлеген, үз иленең рухи һәм мәдәни кыйммәтләрен сакларга әзерлеген күрсәтеп, төрле буын һәм һөнәр ияләрен берләштерә. Бу - үткәнгә хөрмәт күрсәтү генә түгел, ә киләчәккә өлеш кертү, тынычлык бәясе һәм тарихи хәтерне саклау кирәклеге турында искә төшерү дә.