Бердәм гамәлләр көне үткәрелә.
Ел саен 19 апрельдә бөтен ил буенча Бөек Ватан сугышы елларында нацистлар һәм аларның булышчылары тарафыннан совет халкын геноцидлау истәлегенә Бердәм гамәлләр көне үткәрелә. Әлеге тарихи көн уңаеннан, язгы мәрхәмәтлек атнасы кысаларында, Иске Җөри гомум белем бирү мәктәбендә «Без срока давности» дип исемләнгән мәгълүмәт сәгате үткәрелде. Чарада көннең максатлары һәм бурычлары, Бөек Ватан сугышы елларында тыныч халык фаҗигасе, геноцид корбаннары, нацистлар җинаятьләре, совет халкының кешелек тарихындагы иң катгый сугышта җиңүенең әһәмияте, «геноцид», «нацистлар» төшенчәләре турында тарих укытучысы чыгыш ясады. Китапханәче бу куркыныч сугышта җиңү көнен елда иң мөһим бәйрәмнәрнең берсе, аның турында онытмау, бәйрәм чараларында катнашу гына түгел, ә һәрвакыт бу дата турында истә тотарга кирәклеген аңлатты. Шулай ук китапханә фондыннан Бөек Ватан сугышы елларында фашистларның һәм аларның ярдәмчеләренең тыныч совет гражданнарына карата вәхшилекләре турында язылган китаплар тәкъдим ителде.