Ел саен 19 апрельдә Россиядә совет халкының геноцидын искә алу көне билгеләп үтелә.
Бу көнне 1943 елда СССР Югары Советы Президиумының 39 нчы номерлы «Совет гражданнары һәм әсир кызылармеецларны үтерүдә һәм җәзалауда гаепле немец-фашистлар өчен, шулай ук шпионнар, совет гражданнары һәм аларның булышчылары исәбеннән Ватанга хыянәт итүчеләр өчен җәза чаралары турында» указы чыгарыла. Әлеге көн гаепсез корбаннарны искә алу һәм киләчәктә мондый фаҗигаләрнең кабатлануына юл куймау өчен билгеләнгән. Шул уңайдан Шәтке авылы китапханәсендә Бөек Ватан сугышы елларында нацистлар һәм аларның ярдәмчеләре тарафыннан гамәлгә ашырылган совет халкы геноцидына багышланган «Халык хәтерендә» дип исемләнгән хәтер сәгате узды. Чарада балалар һәм яшьләр катнашты.