«Хәтер бакчасы»
Быел урманнарны саклау һәм яңадан торгызу проблемаларына җәмәгатьчелек игътибарын җәлеп итү максатыннан «Хәтер бакчасы» халыкара акциясе уза, ул Бөек Ватан сугышында Җиңүнең 80 еллыгын бәйрәм итүгә һәм Россиядә, Татарстан Республикасында Ватанны саклаучылар елын уздыруга багышлана. Акциянең төп максаты - Бөек Ватан сугышында һәлак булган һәр кешенең истәлегенә 27 миллион агач утырту. Шулай ук, акция сугыш елларында һәлак булган совет кешеләренең хәтерен саклауга һәм махсус хәрби операция геройлары хөрмәтенә юнәлдерелгән. 20 апрельдә әлеге акциягә Урта Мишә авылы мәдәният хезмәткәрләре дә кушылды. Алар территорияләренә 10 төп чыршы үсентесе утырттылар. Яшел һәйкәлләр үз Ватаны өчен көрәшүчеләрнең батырлыгын мәңгеләштерәчәк. Мондый һәйкәлләр геройларның батырлыкларын искә төшереп кенә калмый, уйлану һәм ихтирам итү урыны да булып хезмәт итә. Яшел утыртмалар тынычлык атмосферасы тудыра, киләчәк буыннар өчен үткәннәр турындагы хәтерне саклауның мөһимлеген ассызыклый.