«Җиңү бакчасы»
«Җиңү бакчасы» акциясе Бөек Җиңүнең 80 еллыгына багышланган мөһим вакыйгага әверелде. Ул фашизмга каршы көрәштә үз гомерләрен биргән кешеләрнең истәлеген гәүдәләндерә, тынычлык һәм бердәмлекнең әһәмиятен искә төшерә. 20 апрель көнне Максабаш авылы мәдәният хезмәткәрләре әлеге акциягә кушылдылар. Яшь буын үз геройларын истә тоту максатыннан, укучылар һәм сугыш чоры балалары белән бергә агачлар утыртылды.
Агач утырту геройлар турындагы хәтерне генә түгел, тыныч киләчәккә өметне символлаштыра. Бу агачлар тере һәйкәлләр булачак, алар азатлык һәм тынычлык өчен көрәшүчеләрнең батырлыкларын искә төшерәчәк. Яшел утыртмалар уңайлы атмосфера тудыра, экологияне һәм уңайлы климатны яхшыртырга ярдәм итә. Шулай итеп, «Җиңү бакчасы» акциясе үткәннәр турындагы хәтерне киләчәк турында кайгырту белән берләштерә, тарих һәм табигать арасында бәйлелек булдыра. Мондый чаралар кешеләрне берләштерергә, яшьләрдә ватанпәрвәрлек хисе һәм үз илебез тарихына хөрмәт тәрбияләргә ярдәм итә.