26 апрельдә күренекле татар шагыйре һәм язучысы Габдулла Тукайның тууына 139 ел тула.
Ул татар әдәбиятында үзенең шигырьләре, әкиятләре һәм әсәрләре белән танылган бөек шәхес. Тукай татар теле һәм әдәбияты үсешенә сизелерлек йогынты ясый, аның иҗаты күп буыннарны рухландыруын дәвам итә. Кыска гына гомер яшәп, Г. Тукай гаять зур мирас калдыра, аның иҗаты табигатькә, туган телгә, туган якка мәхәббәт темаларын колачлый. Әлеге көн уңаеннан Теләче үзәк китапханәсендә «Мәңгелеккә кабынган йолдыз» дип исемләнгән китап күргәзмәсе оештырылды, анда киң даирә укучылар өчен шагыйрьнең биографиясе, иҗаты, тормышыннан кызыклы фактлар, аның мирасы белән рухландырылган заманча авторларның эшләре тәкъдим ителде. Шулай ук, күргәзмәгә Габдулла Тукайның бөек әсәрләре язылган китаплары да куелды. Тукай иҗатына игътибар аның мирасын саклауда һәм татар әдәбиятын популярлаштыруда төп роль уйный. Аның әсәрләре татар мәдәниятенең байлыгын гына чагылдырып калмый, бүген дә актуаль булып калган темаларны яктырта.