26 март көнне Теләче районына эшлекле сәфәр белән Россия Герое - Рәсим Баксиков килде.

Бу иҗат бәйрәме үз гөмбәзләре астына осталыкларын күрсәтергә әзер 1000 нән артык яшь талантны җыйды. Катнашучылар арасында Балалар иҗат үзәгендә тәрбияләнүчеләр аерым урын алды. «Сюрприз» үрнәк хореография коллективы һәм «Асылташлар» коллективы үзләренең дәртле биюләре белән тамашачыларның һәм жюри әгъзаларының йөрәкләрен яулап алдылар. Аларга җырчылар Рәхимова Әминә һәм Нурмөхәммәтов Солтан да кушылды. Аларның көчле тавышлары һәм тирән эчтәлекле башкарулары беркемне дә битараф калдырмады, вокал сәнгатенең югары дәрәҗәсен күрсәтте.

2026 елның 26 мартында Шәдке балалар бакчасы базасында «Эко-киләчәк: яшел һөнәрләр» район конкурсы булып узды, ул экология һәм табигатькә сакчыл караш белән мавыгучылар өчен мөһим вакыйгага әверелде. Әлеге бәйгедә Теләче 3нче номерлы балалар бакчасында тәрбияләнүчеләребез катнашты.

Без бер-беребезнең тарихын, мәдәниятен, гореф-гадәтләрен хөрмәт иткәндә, аңлашылмаучанлык чикләре юкка чыга. Без бер гаиләгә әйләнәбез, анда шатлык арта, авырлыклар исә барыбызга да уртак. Илләр бердәмлегендә — безнең гомуми көчебез, гомуми киләчәгебез. Тынычлыкны, тотрыклылыкны һәм иминлекне киләчәк буыннар өчен саклап калу өчен безгә бары тик бергә, җилкә-җилкәгә булырга кирәк. Халыкларыбыз арасындагы дуслык көннән-көн ныгый торсын, чөнки без бердәм булганда — без җиңелмәбез. Шуларны аңлату максатыннан 26 март көнне Олы Мәтәскә авылы мәдәният хезмәткәрләре яшьләр белән тематик кичә үткәрделәр. Бу чара «Халыклар дуслыгында-илнең бердәмлеге!» - дип аталды.