Бүген Теләче 3нче номерлы балалар бакчасында уртанчылар һәм зурлар төркемнәрдә танып белү әңгәмәсе форматында дуслар көне узды.

2026 елның 4 июле, шимбә

Малайлар һәм кызлар дуслыкның төп кагыйдәләрен искә төшерделәр: намуслы булу, бүлешә белү, иптәшләреңә ярдәм итү һәм юк-бар өчен үпкәләмәү, ә тагын: сугыш-талашсыз бердәм уйнау, дустыңның серләрен саклау, уңышларга шатлану, дустыңа ярдәм итү, дустыңа ышану. Тәрбияләнүчеләр чын дусның бәла-казада танылачагы турында фикер алыштылар һәм бер-берсенә карата яхшы булырга вәгъдә иттеләр.  Тагын балалар «Кочаклашу», «Дуслык чишмәләре», «Дустыңа яхшы сүз әйт» уеннарын уйнадылар. Көн бик җылы һәм күңелле булды!