25 март көнне район мәдәният йорты сәнгать җитәкчесе Туктамышева Әнисә Хәмит кызы Теләче радиосында “Сәламәтлек һәм иминлек” тапшыруында катнашып, мәдәният йортларында сәламәт яшәү рәвешен пропагандалау йөзеннән нинди чаралар үткәрелүе турында сөйләде.

2026 елның 11 маеннан алып 2026 елның 22 маена кадәр Саба һәм Теләче районнарында яшәүчеләрнең сорауларына ТР буенча Роспотребнадзор идарәсенең Саба, Кукмара, Теләче, Питрәч районнары территориаль бүлеге белгечләре 884(362) 2-39-40 телефоны буенча җавап бирәчәк.

2026 елның 6 маенда Шәдке авыл җирлегендә шәхси затларнын үзйөрешле машиналарына техник карау уздырылды. Тикшерүдә авыл җирлеге башлыгы Ф.Г.Кадыйров та  катнашты.

Бүген Һадиева Аделина, Теләче 3нче номерлы балалар бакчасы тәрбияләнүчесе (тәрбиячесе Хәбирова Ф.Ф.), һөнәри осталыкның ачык һөнәри юнәлеш конкурсында катнашты “Цифрлы Татарстан IT-чакыру”. Аделина «3D-модельләштерү. Цифрлы контент эшләү " номинациясендә чыгыш ясады һәм I урынны алып, искиткеч нәтиҗә күрсәтте! Талантлы кызыбызны һәм аның остазын искиткеч казанышы белән котлыйбыз! Ирешелгәннәрдә генә тукталып калмыйча, кыюлык белән яңа  үрләр яулавын һәм һәрвакыт үз көченә ышануын телибез. Афәрин!

Теләче районы авыл җирлекләрендә шәхси затларга караган тракторларга һәм прицепларга техник тикшерү эшләре бара.