Максабаш мәдәният йорты директоры Зөлфия Гаязова, китапхәнәче Лилия Мингазова һәм җирле үзидарә рәисе Фәрит Махмутов белән берлектә, авылдашлары, тыл ветераны Шамҗиян апа Абдуллина янына барып медаль һәм күчтәнәч пакет тапшырып кайттылар.

2026 елның 11 маеннан алып 2026 елның 22 маена кадәр Саба һәм Теләче районнарында яшәүчеләрнең сорауларына ТР буенча Роспотребнадзор идарәсенең Саба, Кукмара, Теләче, Питрәч районнары территориаль бүлеге белгечләре 884(362) 2-39-40 телефоны буенча җавап бирәчәк.

2026 елның 6 маенда Шәдке авыл җирлегендә шәхси затларнын үзйөрешле машиналарына техник карау уздырылды. Тикшерүдә авыл җирлеге башлыгы Ф.Г.Кадыйров та  катнашты.

Бүген Һадиева Аделина, Теләче 3нче номерлы балалар бакчасы тәрбияләнүчесе (тәрбиячесе Хәбирова Ф.Ф.), һөнәри осталыкның ачык һөнәри юнәлеш конкурсында катнашты “Цифрлы Татарстан IT-чакыру”. Аделина «3D-модельләштерү. Цифрлы контент эшләү " номинациясендә чыгыш ясады һәм I урынны алып, искиткеч нәтиҗә күрсәтте! Талантлы кызыбызны һәм аның остазын искиткеч казанышы белән котлыйбыз! Ирешелгәннәрдә генә тукталып калмыйча, кыюлык белән яңа  үрләр яулавын һәм һәрвакыт үз көченә ышануын телибез. Афәрин!

Теләче районы авыл җирлекләрендә шәхси затларга караган тракторларга һәм прицепларга техник тикшерү эшләре бара.