Яз килә, кояш көлә! Яз көне авыл халкын күп төрле хезмәт көтә. Бу көннәрдә тимурчылар өчен дә эш җитәрлек. Һәр авылда ярдәм көтүче өлкәннәребез яши. Югары Кибәхуҗа урта мәктәбенең 8 класс укучылары тыл һәм сугыш ветераннарына ярдәм итә. Укучылар кар көриләр, боз ваталар, өй тирәсен чүпләрдән арындыралар. Әби – бабайларны игелекле эшләре белән куандыралар. Барыбыз да өлкәннәргә карата игътибарлы, ихтирамлы булыйк.