Семинар булып узды.
23 нче апрель көнне Теләченең 2 нче номерлы балалар бакчасында балалар бакчасында эшләүче музыка белгечләре һәм группаларда эшләүче тәрбиячеләр өчен “Мәктәпкәчә яшьтәге балаларны музыкаль- бию эшчәнлеге аша һәръяклап үстерү” дигән темага семинар булып узды. Семинарда балалар бакчаларында эшләүче музыка җитәкчеләре, өлкән тәрбиячеләр һәм тәрбиячеләр катнашты. Педагоглар 2 нче кечкенәләр, өлкәннәр, мәктәпкә әзерлек төркемнәре балалары белән күрсәтелгән ачык шөгыльләр карадылар. Ачык шөгыльләрне Теләченең №3 нче балалар бакчасы музыка җитәкчесе Хәмитова Розилә Шамиль кызы, Теләченең №2 нче балалар бакчасы музыка җитәкчесе Рафикова Лилия Альфред кызы һәм Теләченең №2 нче балалар бакчасында өстәмә белем түгәрәге җитәкчесе Баева Зилә Рафаиль кызы күрсәтте. Семинарда шулай ук мастер-класслар үткәрелде һәм чыгышлар ясалды.Семинар ахырында мәгариф бүлегенең мәктәпкәчә белем буенча методисты Саетова Анна Николаевна үткән семинарга нәтиҗә ясады, иҗади эшләүче пелагогларга уңышлар теләде.