21 апрель көнне район мәдәният йортында Әтнә татар дәүләт драма театрының М. Әмирнен «Миңлекамал» дип исемләнгән спектакле булып узды. Күп еллардан бирле эшләп килгән әлеге театр яраткан тамашачысын әледән әле үзенчәлекле чыгышлары белән куандырып килә. Күңелле комедияләр дә, күзләргә яшь китерә торган моңсу әсәрләр дә чит түгел аларга. Залда утырган тамашачының да фикерен исәпкә алып, аларга бары “Афәрин!“ генә диясе килә.