Балалар җәйге аяз көндә нурланып кояш чыгуын, бөтерелә - бөтерелә күбәләкләр очуын күреп олы шатлык хисе кичерәләр.

Табигатьнең шушы гүзәллеген кече яшьтән үк күрергә, тормышка сөенергә өйрәтергә без, педагоглар бурычлы. Моның өчен балалар бакчасында төрле эшләр башкарырга мөмкинлекләр бик күп. Бүген исә без балаларга әхлакый-экологик белем һәм тәрбия бирүдә төрле алымнар кулланабыз. Шуларның берсе  бакчада тәрбияләнүче балалар белән әледән – әле экскурсияләр үткәрү. Чираттагы экскурсияне  тәрбиячебез Муликова Голшат Фаритовна оештырды. Ул “Усемлекләр дөньясы” темасы астында узучы атналыкка старт бирде.