ЯҢАЛЫКЛАР
4 декабрь көнне Теләче урта мәктәбенең 11 нче сыйныф укучылары йомгаклау сочинениесе яздылар. Йомгаклау иншасы барлык чыгарылыш сыйныф укучылары өчен мәҗбүри. Иншаның уңышлы нәтиҗәләре чыгарылыш сыйныф укучыларына Бердәм дәүләт имтиханнарына керү өчен мөһим шарт булып тора.
Татарстан Республикасы Теләче муниципаль районы Теләче җирлекара китапханәсе «Легко ли быть молодым» дип исемләнгән республика эссе конкурсында яшьләрнең катнашуын оештыруда нәтиҗәле хезмәттәшлеге өчен рәхмәт хаты белән бүләкләнде.
Бу истәлекле дата һәлак булган сугышчыларның истәлеген, батырлыгын һәм үлемсез батырлыгын мәңгеләштерүгә юнәлдерелгән, аның исеме билгесез булып калган. Алар истәлегенә шигырьләр укылды. Киләчәк өчен гомерләрен биргән солдатларны бер минут тынлык белән искә алдылар.
Анда башлангыч сыйныф укучылары катнашты. Китапханәче Хазипова Ф .А.балаларга яхшылык һәм явызлык төшенчәләре, кешеләр өчен игелекнең ничек мөһим булуы турында сөйләде. Шулай ук аларга инвалидларга, якын кешеләргә, тирә-юньдәгеләргә, балаларга игелеклелек турында төрле хәлләр тәкъдим ителде, «Игелек» сүзе белән мәкальләр, әйтемнәр искә алынды, практик биремнәр үтәделәр. Мәрхәмәтле, әдәпле һәм мәдәниятле кеше булу җиңел түгел. Моңа гомер буе өйрәнергә кирәк. Бу эштә безгә ата-аналар, укытучылар гына түгел, китаплар да булыша. Чарада «Игелеккә – китап аша» дигән китап күргәзмәсе тәкъдим ителде.
Шул максаттан Олы Мәтәскә авылы китапханәчесе “Билгесез солдат” истәлегенә обелиск янында мәгълүмәти сәгать үткәрде. Бу чарада төрле сыйныф укучылары катнашты. Китапханәче аларга бу көннең ничек, кайчан барлыкка килүе турында кыскача информация бирде. Ахырдан укучылар “Билгесез солдат” истәлегенә обелискка чәчәк куйдылар.
Бу көн ВИЧ – инфекциясе таралуын һәм ВИЧ – инфекция эпидемиясенең афәтле нәтиҗәләрен киметү өчен авыру турында халыкның хәбәрдар булырга тиешлеген искәртү көне булып тора. Сәламәт яшәү рәвешен пропагандалау максатыннан, Урта Мишә авыл китапханәсендә “Сәламәтлек – зур байлык” исемле күргәзмә куелды.
Әлеге көнгә багышлап Урта Мишә авыл китапханәсендә “Җылылык көтә җирдә һәр йөрәк” дигән исемдә китап күргәзмәсе эшли. Күргәзмәдә сәламәтлеге чикләнгән язучыларның китаплары урын алды.
Урта һәм өлкән төркем тәрбиячеләре балалар белән «Мәрхәмәтле булу оят түгел» дигән әңгәмә үткәрделәр. Шулай ук мультфильм карадылар һәм аның буенча фикер алыштылар. Күмәкләшеп кар бөртекләрен ясадылар. Кар бөртекләре бик матур булды, балалар үз эшләреннән канәгать.
Бу көн җәмгыятебездәге сәламәтлекләре чикләнгән кешеләргә игътибарны арттыру өчен бик мөһим. Шушы уңайдан, 3 декабрь көнне Субаш авылы мәдәният хезмәткәрләре Петрова Л. һәм Романова Т. тумыштан сәламәтлеге чикле булган авылдашыбыз Чернова Натальяның өенә барып, хәлләрен белеп кайттылар. Китапханәче яңа кайткан китаплар белән дә таныштырды. Мондый очрашулар мөмкинлекләре чикләнгән кешеләрнең күңелләрендә җылы эз калдыра, тормышта яңа кызыксындыру чаралары бирә. Чараның максаты: ялгыз яшәүче авыруга игътибарны арттыру.
3 нче декабрь көнне Теләче балалар китапханәсе хезмәткәрләре «Пусть доброта согреет ваши души» исеме астында мөмкинлекләре чикле балаларга китаплар бүләк итү акциясе оештырды. Китап – ул якыннарыбызга һәм дусларыбызга бирә алган иң кирәкле һәм кыйммәтле бүләкләрнең берсе. Бүгенге көндә бүләккә китап бирү традициясе актуальләшә бара. Чөнки китап – могҗиза тудырырга сәләтле зур бүләк ул. Шул рәвешле бүген без дә күпмедер дәрәҗәдә яхшылык эшли алганбыздыр дип өметләнәбез.