Муниципаль районнар Теләче муниципаль районы

ЯҢАЛЫКЛАР

февраль, 2015 ел

җомга

16 нчы февральдә Теләче урта мәктәбенең 7 нче һәм 8 нче сыйныф укучылары интернационалист – сугышчы, запастагы майор Нуртдинов Рәис Рөстәм улы белән очраштылар

Очрашу Совет Армиясе гаскәрләре Әфганстан территориясеннән чыгарылуга 26 ел тулу уңаеннан үткәрелде. Укучылар ветеран – сугышчы алдында сугыш , ватан турында шигыръләр сөйләп күрсәттеләр. Интернационалист – сугышчы Нуртдинов Р.Р. үзенең сугышчан юлы турында сөйләде. Очрашу бик кызыклы үтте.

Бакчабызда Җиңүнең 70 еллыгын билгеләп үтүгә план төзелде.

Тәрбияче Сагитова Д.В. балаларга сугыш еллары турында шигырьләр укыды,авыр сугыш вакытында үзләренең гомерләрен кызганмыйча сугышкан батыр солдатлар турында сөйләде. Без батыр авылдашларыбызны беркайчан да онытмабыз.

Мәктәбебезнең 1- 2 сыйныф укучылары районның "Туган якны өйрәнү" музеенда булдылар.

Музейда балалар экспонатлар белән таныштылар, күренекле якташларыбызның фотоларын, портретларын күрделәр. Бигрәк тә аларга Бөек Ватан сугышына багышланган экспонатлар ошады. Үзләренең алган хис - кичерешләре турында алар тәкъдимнәр китабына язып калдырдылар.

Алан авылы мәдәният йортында һәр көнне Бөек Җиңүнең 70 еллык бәйрәме уңаеннан үткәреләчәк концертка әзерлек эшләре бара.

Әлеге бәйрәм чарасыннан читтә калмасыннар, алар да үз өлешләрен кертсеннәр дип, без мәктәп укучыларын да үзебез янына тарттык.

Субаш башлангыч мәктәбендә Муса Җәлилнең тууына 109 еллыгы уңаеннан "Муса Җәлил патриот шагыйрь" дигән темага класс сәгате үткәрелде.

Укучылар Муса Җәлилнең тормыш юлын һәм иҗатын өйрәнделәр, балалар өчен иҗат ителгән шигырьләрен сөйләделәр.

Олы Мишә мәдәният йортында - 23 февраль Ватанны саклаучылар көненә багышланган бәйрәм концертына әзерлек эшләре бара.

Җырчылар белән репетиция өлешләре алып барыла. Программа һәм сценарийлар төзелә.

15 нче февральдә Район мәдәният йортында “Йолдызлык – 2015” яшьләр фестиваленең район туры үткәрелде.

Анда Шармыш төп гомумбелем мәктәбеннән 4 нче сыйныф укучысы Маланина Альбина чыгыш ясады. Ул “Конферансье” номинациясендә катнашты.

Теләче Үзәк китапханәсенең уку залында күренекле мәгърифәтче, галим, тарихчы, тел белгече, язучы Каюм Насыйриның тууына 190 ел уңаеннан күргәзмә эшли.

Күргәзмәдә язучының китаплары урын алды.

Герой-шагыйрь Муса Җәлилнең туган көне уңаеннан Иске Җөри урта мәктәбебездә Җәлил шигырьләрен уку кичәсе булды.

Шаян шигырьләре белән беррәттән моңсуларын да укыдылар. Югары сыйныф укучылары Саруханян Алина һәм Зиганшина Руфия укыган шигырьләр бигрәк тә күңелгә үтеп керде. Алга таба да укучыларыбыз Җәлилнең иҗатын өйрәнүләрен дәвам итәрләр дип ышанып калабыз.

26 ел элек Афганистандагы ун ел барган сугыш тәмамлана.

14 февраль көнне Олы Саурыш башлангыч мәктәбендә Совет солдатларының Афганстаннан чыгару көне уңаеннан, Афганстаннан хезмәт итеп кайтучы авылдашыбыз Сибгатуллин Илсур Мансур улы турында әңгәмә үткәрелде.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ