Муниципаль районнар Теләче муниципаль районы

Бердәм мәдәни дәрес

2017 елның 18 сентябре, дүшәмбе

15 сентябрьдә Олы Мәтәскә урта мәктәбенең башлангыч сыйныф укытучылары, авыл китапханәсе һәм Мәдәният йорты хезмәткәрләре белән берлектә Бердәм мәдәни дәрес үткәрделәр. Бу чара “Укучының бердәм мәдәни көндәлеге” Республика мәдәни – белем бирү проекты кысаларында , ТР Мәдәният министрлыгы, Мәгариф министрлыгы теләктәшлеге белән уздырыла. Чара барышында укучылар республикабызның мәдәни һәм тарихи урыннары буйлап виртуаль сәяхәттә булдылар , авылдаш язучыбыз Фатих Хөсни музеенда булдылар.Соңыннан укучыларга мәдәни көндәлекләр тапшырылды. Республикабызның мәдәни мирасы белән таныштыручы мондый чаралар ел дәвамында үткәреләчәк.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

Сугыш... Күпме сабыйның язмышына үтеп кереп, өмет-хыялларын чәлпәрәмә китергән, балачак бәхетеннән мәхрүм иткән.

Аларның бала чаклары булмаган да диярлек, чөнки алар сугыш чоры балалары. Ятимлек ачысын да татыганнар, ачлык белән күзгә-күз дә очрашканнар. Тик тормышта никадәр авырлыклар күрсәләр дә, алар сынмыйча-сыгылмыйча яшәүләрен дәвам итә. 7 май көнне Урта Мишә авылы мәдәният хезмәткәрләре, авылдагы иң өлкән кеше, сугыш чоры баласы Сафин Альберт абый белән очрашуга бардылар. 79 нчы Җиңү язын каршыларга җыенабыз.

Казаклар авылы китапханәсе “Балаларга сугыш турында укыйбыз” дип аталган Халыкара акциягә кушылды.

Китапханәче якташларыбызның батырлыклары турында сөйләде, соңыннан “Сугыш турындагы китапны укы” дип исемләнгән күргәзмәгә күзәтү үткәрде. Акция барышында Бөек Ватан сугышы турындагы шигырьләр укылды. Укаучылар сугыш һәм тыл ветераннарына багышлап ясалган альбомнар белән таныштылар. Ахырдан Бөек Ватан сугышында һәлак булган каһарманнар бер минут тынлык белән искә алынды.

«Дөнья балалары сугыш балаларына»

Җиңү көне алдыннан Теләче 3нче номерлы балалар бакчасында тәрбияләнүчеләр, педагоглар һәм ата-аналар район Ветераннар һәм тыл хезмәтчәннәре йортында кунакта булдылар.

«Балаларга сугыш турында укыйбыз»

Баландыш авыл китапханәсе «Балаларга сугыш турында укыйбыз» дигән 15 нче Халыкара патриотик акциягә кушылды. Акциядә китапханәнең яшь укучылары катнашты. Чара башында Бөек Ватан сугышы турында китапларга күзәтү үткәрелде. Балалар Муса Җәлил шигырьләре, Мөхәммәт Мәһдиевнең «Без — кырык беренче ел балалары» китабы һ.б әсәрләр белән таныштылар. Аннары укылган китаплар турында үз тәэсирләре белән уртаклаштылар. Әлеге акция Җиңү көненә багышланган, аны күп еллар дәвамында Самара өлкә китапханәсе оештыра.

ЯҢАЛЫКЛАРГА ЯЗЫЛУ